لاہور پولیس کا اہلکار گھر میں چوری کی واردات کرتے ہوئے رنگے ہاتھوں پکڑا گیا ہے۔
اے آر وائی نیوز کے مطابق اہلخانہ نے تشدد کے بعد اہلکار کو ریس کورس پولیس کے حوالے کردیا، گھر میں چوری کرنے والے پولیس اہلکار کے خلاف مقدمہ درج کرلیا گیا ہے۔
پولیس اہلکار کی رنگے ہاتھوں پکڑے جانے کی فوٹیج سامنے آگئی ہے۔
پولیس کا کہنا ہے کہ مقدمے کے متن کے مطابق کانسٹیبل کی شناخت مرزا احمد بیگ کے نام سے ہوئی ہے، پولیس اہلکار نے گھر میں گھس کر اسلحہ کے زور پر اہلخانہ کو یرغمال بنایا۔
پولیس اہلکار اہلخانہ کو یرغمال بنا کر زیورات اور نقدی کا مطالبہ کرتا رہا۔
